آهنگ کردی فه له ک از حسن هیاس

فه‌له‌ک چمای تو دژ وه کورده‌یلی
خه‌یلی وه تایوه‌ت کورده‌یل فه‌یلی
فه‌له‌ک خو ریشگ گشتمان هه‌لکه‌نید
هه‌رچه داشتیمن له‌لیمان سه‌نید
روخسه‌ت له به‌عس و دوژمنه‌یل گردی
مال و مولکمان وه تالان بردی
نیمه‌شه‌و هاتی نایده سه‌رمانه‌و
هه وه شه‌ویه‌گه‌ی ساده‌ی وه‌رمانه‌و
له میلکان خوه‌مان وه ده‌رمان کردی
ناحه‌ق وه‌شانی ده‌س نامه‌ردی
نیمه‌ی جوانه‌یلمان داید له قه‌ناره
سزانی جه‌رگ دالک بی چاره
ته‌سفیرمان کردی وه ئیران زه‌مین
ول و سه‌رگه‌ردان وه غوربه‌ت نشین
فره‌مان دایده په‌ر غه‌ریبه‌یل شار
بی پویل و به‌ی حال ورسگ و بی کار
فه‌له‌ک هه‌م چه توای خروده‌ورمان ده‌ی
مه‌گه‌ر مه‌نیه وه‌پیمان بکه‌ی
فه‌له‌ک دی به‌سه دامان مه‌چله‌کن
زه‌خمه‌یلمان قویلن ده‌میان مه‌چه‌کن
له ریش سفیدمان فه‌له‌ک سلکه دی
که‌م ئه‌زیتمانکه ده‌خیل ولکه دی